Tónleikaröð Flataskóla vorið 2008
Maí 2008
1. bekkir fimmtudaginn 22. maí kl. 13:20 - sjá nánar hér. 
>>Sjá dagskrá.

2. bekkur föstudaginn 23. maí kl. 9:00 - sjá nánar hér. 
>>Sjá dagskrá.

3. og 4. bekkir þriðjudaginn 20. maí  kl. 13:20 -sjá nánar hér.
>>Sjá dagskrá.

5. bekkir miðvikudaginn 21. maí kl. 9:00 - sjá nánar hér.
>>Sá dagskrá.

6. bekkir föstudaginn 23. maí kl. 13:20 - sjá nánar hér.
>>Sjá dagskrá.

Smelltu á myndina til að lesa það sem þar stendur. 

Viðeyjarferð 5. bekkja

9. maí 2008
Viðeyjarferð var farin 8. maí þar sem nemendum 5. bekkja gafst kostur á að sjá og kynnast Friðarsúlunni, listaverki Yoko Ono undir leiðsögn Guðlaugar Ólafsdóttur verkefnisstjóra Viðeyjar.  Jafnframt kynntust nemendur sögu og menningu þessarar merku eyjar sem leikið hefur stórt hlutverk í sögu lands og þjóðar. Þetta er enn einn þáttur í fjölþjóðaverkefninu "Einn heimur" sem 5. bekkur er þátttakandi í.
>> Sjá myndir úr ferðinni.

Bryggjuball hjá 4. bekk
8. maí 2008
Miðvikudaginn 7. maí hélt 4. bekkur bryggjuball og bauð foreldrum á sýningu og kaffi og meðlæti á eftir. Tengdist það verkefninu ,,Á sjó’’ sem var sameiginlegt verkefni árgangsins í samfélags- og náttúrufræði. Verkefnið var samþætt öllum sérgreinum og bókasafni. Stofnuð var hljómsveit nemenda í árganginum sem stunda hljóðfæranám við Tónlistarskóla Garðabæjar og lék hún undir dansi. 
>> Hér má sjá myndir frá ballinu

Upplestrarkeppni 4. bekkja
8. maí 2008
Upplestrarkeppi 4. bekkja fór fram 23. apríl s.l. Nemendur voru allir til fyrirmyndar og stóðu sig með prýði bæði þeir sem lásu og þeir sem hlustuðu, en þeir voru einstaklega góðir hlustendur. Í fyrsta sæti var Ólafur Hákon, í öðru sæti var Ragnheiður og í 3. sæti var Oddur. Til hamingju krakkar.
>> Sjá myndir

Heimsókn Árna Árnasonar í 5. bekk
7. maí 2008
Árni Árnason rithöfundur, þýðandi og kennari kom í heimsókn þriðjudaginn 6. maí s.l. Hann kom sem gestur í tónsmiðju 5. bekkja til að leggja  fjölþjóðaverkefninu "Einn heimur" lið.   Hann kynnti skólastarf við Apavatn í Malaví.  Árni er í vinaskólasambandi á vegum UNESCO og fræddi okkur um ólíkar áherslur og framgang skólamála í Malaví og á Íslandi.
>> Sjá myndir frá heimsókninni.

Dagskrá skólastarfs í vorannarlok
6. maí 2008
Þar sem skólastarf fer nokkuð úr föstum skorðum svona á síðustu vordögum höfum við sett upp í töflu dagskrá um þá atburði sem verða þar til skóla lýkur í vor. Við hvetjum foreldra og nemendur til að kynna sér dagskrána náið því margt skemmtilegt er á döfinni sem gaman er að skoða og fylgjast með. Töfluna getið þið nálgast hér.

Góðir gestir í heimsókn
5. maí 2008
Menn frá Kiwanishreyfingunni gáfu sex ára börnum í Flataskóla reiðhjólahjálma í morgun og ræddu þeir við þá um umferðaröryggi og notkun hjálmanna. Var gestunum vel tekið og fór vel á með þeim og nemendum eins og sjá má á myndinni.

Árshátíð nemenda í 7. bekk var haldin 29. apríl og tókst hún í alla staði mjög vel. Krakkarnir voru búnir að leggja mikla vinnu í undirbúning og var hátíðarblær yfir öllu.
Krakkarnir mættu prúðbúin og var gengið á rauðum dregli inn í salinn.
Þau voru öll glæsileg enda voru margir búnir að leggja mikið í fatnað, greiðslu og ,,make up".
Dagmar Björk og Ómar Páll voru valin árshátíðardrottning og kóngur kvöldsins.

Flataskólaleikarnir 2008
5. maí 2008
Á föstudag voru haldnir hinir árlegu Flataskólaleikar í yndislegu veðri. Nemendum var blandað saman í hópa þvert á árgangana og þeir eldri aðstoðuðu þá yngri þegar á þurfti að halda og var þetta ágæt leið til að nemendur kynntust vel innbyrðis. Keppt var í flöskuburði, hjólböruhlaupi, reiptogi, boccía, krikketi, hælaharki og dekkjakeppni! Nemendur í Flataskóla voru til fyrirmyndar og allir voru svo glaðir og ánægðir. Takk fyrir ánægjulegan dag.
>> Sjá myndir frá leikunum.

Heimsókn í Hellisgerði
30. apríl 2008
Nemendur úr Flataskóla fóru í heimsókn í Hellisgerði í Hafnarfirði í dag, miðvikudaginn 30. apríl. Veðrið lék við þá og þeir skemmtu sér vel við leik í fallegu umhverfi. Það var klifrað í klettum og trjám, hlaupið eftir göngustígum og nemendur nutu þess að vera til. Nemendur í 2. og 3. bekk stóðu sig vel, fóru eftir fyrirmælum og sýndu það og sönnuðu að það er auðvelt að fara með þá í ferðir og það er gott að treysta þeim.
>> Sjá myndir

Upplestrarkeppni 3. bekkja
30. apríl 2008
Á degi umhverfisins, föstudaginn 25. apríl, var upplestrarkeppni meðal 3. bekkinga. 12 nemendur tóku þátt og stóðu sig allir með glæsibrag. Nemendur sem voru í salnum voru til fyrirmyndar og sýndu hvað þeir eru góðir áheyrendur.
Klara varð í 1. sæti, Davíð í 2. sæti og Anna Ólöf í 3. sæti.
>> Sjá myndir

Vímuvarnarhlaup Lions í 5. bekk
29. apríl 2008
Nemendur í 5. bekk hlupu vímuvarnarhlaup í morgun á gervigrasvellinum við skólann. Fyrst hlustuðu þau á hana Ölmu úr hljómsveitinni Nylon þar sem hún ræddi við nemendur um hvernig hún hefur sniðgengið vímuefni hingað til.  Hún hvatti nemendur til að taka ákvörðun á eigin forsendum og að það væri ekki hallærislegt að segja nei þegar manni væri boðið upp á slíkt.
>>Sjá fleiri myndir hér.

Lenka og Davíð tefla í Flataskóla
22. apríl 2008
Góðir gestir komu í heimsókn í Flataskóla í morgun og tefldu fjöltefli við nemendur okkar.  Þetta voru þau Lenka Ptacikova og Davíð Kjartansson. Lenka er með 2259 FIDE stig og er stórmeistari kvenna og leiðir hún íslenska kvennalandsliðið á mótum erlendis.  Hún kennir í Skákskólanum. Davíð er með 2306 FIDE stig og er Norðurlandameistari í skólaskák og hefur oft orðið Íslandsmeistari í skák.
Mjög margir nemendur tóku þátt í fjölteflinu sem stóð í rúma tvo tíma og náðu 3 nemendur jafntefli, en það voru þau Anna Lísa Þorkelsdóttir 5ÓS, Íris Stephensen 7EÁ og Halldór Kári Sigurðarson 7SG.
>>sjá myndir frá fjölteflinu hér.

Heimsókn leikskólabarna
21. apríl 2008
Nýlega fengum við heimsóknir barna frá Bæjarbóli og Hæðarbóli í skólann. Þetta eru verðandi nemendur í 1. bekk skólaárið 2008 - 2009. Börnin komu í fylgd leikskólakennara sinna eða foreldra. Þau tóku þátt í skólastarfi með núverandi 1. bekkingum. Það var mikil ánægja að taka á móti þessum fína hópi barna og hlökkum við til að fá þau í skólann í haust. Einnig fóru nemendur okkar í heimsókn í Bæjarból.
>> Sjá myndasýningu frá heimsókn leikskólanna.
>> Sjá myndasýningu frá heimsókn í leikskólann Bæjarból.

Enn er verið að vinna í listinni!
18. apríl 2008
Um daginn var tónskreyttur í spuna kínverskur garður í tónmennt hjá 4.OÞ. Þetta er hluti af útikennsluverkefninu Ljóðað í lurkinn.
>> Sjá myndasýningu

Að listadögum liðnum
15. apríl 2008
Listadagar þóttu takast með ágætum þrátt fyrir leiðindaveður á miðvikudaginn. Margt var í gangi hjá nemendum og kennurum skólans þessa daga og við fengum góða gesti frá öðrum skólum í bænum. Fyrstu bekkingar tóku virkan þátt í undirbúningnum og skreyttu grindverk skólans með köngulóm sem þeir voru búnir að vinna að inni í skólastofunni.
>> Myndasýningar frá listadögum er að finna hér.

Listadagar barna og ungmenna í Garðabæ 9. - 12. apríl
9. apríl 2008 
Dagana 9. - 12. apríl verða listadagar barna og ungmenna haldnir í þriðja sinn í Garðabæ. Þemað að þessu sinni er náttúran og umhverfið. Á listadögum verða ýmsar uppákomur um allan bæ sem ungir listamenn hafa unni hörðum höndum við að undirbúa. Það gefur vonandi bæjarbúum innsýn í það gróskumikla og fjölbreytta listastarf sem fram fer í skólum og stofnunum bæjarins. Dagskráin er fjölbreytt og skemmtileg og eru allir bæjarbúar velkomnir hvort sem það er í stofnanir eða skólana. Nálgast má dagskrá listadagana og nánari upplýsingar á vef Garðabæjar.

8. apríl 2008 
Setningarathöfn listadaga verður á handboltavellinum við aðalinngang Flataskóla miðvikudaginn 9. apríl kl. 11:00. Elstu börn af leikskólunum Bæjarbóli, Kirkjubóli og Lundabóli taka þátt í athöfninni með nemendum Flataskóla. Meðal dagskrárliða er ávarp Margrétar Bjarkar Svavarsdóttur forstöðumanns fræðslu- og menningarsviðs, flutningur stomphóps nemenda í 6. bekk Flataskóla undir stjórn Hjördísar Ástráðsdóttur, tónmenntakennara og fáni listadaga verður dreginn að húni.

Eftirfarandi verkefni sem nemendur Flataskóla unnu í tilefni listadaga eru til sýnis inni í skólanum og úti á skólalóð:

•          1. bekkur - köngulóarvefur ofinn í grindur við handboltavöll á skólalóð

•          2. bekkur - vindhörpur (óróar) í anddyri skólans og á ýmsum stöðum inni í skólanum
>> sjá myndasýningu

•          3. bekkur - mósaíkmyndir unnar í grjót á skólalóð fyrir ofan battavelli og undirbúningur    útikennslustofu

•          4. bekkur - málaðar myndir á skólalóð við Vífilsstaðaveg

•          5. bekkur - vindhanar á svölum skólans

•          6. bekkur - stomp (ásláttur á endurnýtta hljóðgjafa) við undirgöngin undir Vífilsstaðaveg, myndskreyttar (graffiti) stomptunnur í samstarfi við nemanda úr Garðaskóla og munir tálgaðir úr tré til sýnis í anddyri skólans. >>Sjá myndasýningu

•          7. bekkur - málaðar myndir í undirgöngum og drekamynd á bláum vegg á skólalóð

Allir eru velkomnir að koma í heimsókn og skoða verk nemenda á göngum skólans og úti á skólalóð.

Dagana 10. og 11. apríl hefur verið skipulögð leiðsögn um útisvæði Flataskóla fyrir nemendur í leik- og grunnskólum bæjarins kl. 9:00, 10:00 og 11:00.

Fimmtudaginn 10. apríl komu nemendur í heimsókn úr 1. bekk í Hofsstaðaskóla, 8. bekk úr Garðaskóla og börn af leikskólanum Sjálandi. Þau tóku þátt í stompi undir stjórn Hjördísar Ástráðsdóttur tónmenntakennara og með aðstoð frá nemendum í 6. bekk. Einnig fengu þau leiðsögn nemenda í 7. bekk um útisvæði Flataskóla og tóku þátt í útieldun í útikennslustofu Flataskóla í Vigdísarlundi undir stjórn Rögnu Gunnarsdóttur kennara í 3. bekk.
>> Sjá myndasýningu

Sama dagskrá verður föstudaginn 11. apríl og eru þá væntanlegir nemendur úr Garðaskóla, Sjálandsskóla og börn af leikskólunum Hæðabóli og Sunnuhvoli.

Einnig er myndasýning í anddyri íþróttamiðstöðvarinnar Ásgarðs af nemendum Flataskóla við skapandi starf í skólanum.
>>Sjá nánari dagskrá listadaga hér.

5. bekkur með kakóveislu í Vigdísarlundi
10. apríl 2008
Í síðustu viku gerðu nemendur í 5. bekk sér dagamun og fóru í Vigdísarlund í yndislegu veðri. Farið var í ýmsa leiki og nutu nemendur útiverunnar. Allir fengu heitt kakó sem hitað var á prímus í lundinum. Hópurinn var ánægður með ferðina og allir voru til fyrirmyndar.
>> Sjá myndasýningu

Lokahátíð Stóru upplestrarkeppninnar
4. apríl 2008
Lokahátíð Stóru upplestrarkeppninnar í 7. bekk 2007 - 2008 fór fram í Félagsheimili Seltjarnarness miðvikudaginn 2. apríl. Nemendur úr Grunnskóla Seltjarnarness og grunnskólum í Garðabæ lásu brot úr skáldverki og ljóð fyrir á annað hundrað áheyrendur.

Þátttakendur komu frá Flataskóla, Hofsstaðaskóla  og Sjálandsskóla í Garðabæ og frá Valhúsaskóla á Seltjarnarnesi. Lesin voru brot úr skáldverki eftir Jón Sveinson, ljóð eftir Stein Steinar auk ljóða er þátttakendur völdu sjálfir.

Í fyrsta sæti var Halldór Kári Sigurðarson 7. SG Flataskóla, annað sætið hlaut Rakel Björk Björnsdóttir frá Hofsstaðaskóla, þriðja sætið hlaut Friðrik Árni Halldórsson frá Valhúsaskóla og aukaverðlaun fyrir vel lesin ljóð hlaut Karólína Jóhannesdóttir frá Sjálandsskóla.

Auk Halldórs Kára kepptu þær Guðrún Ásta Lúðvíksdóttir og Kristín Edda Kristjánsdóttir úr 7. EÁ fyrir hönd Flataskóla.  Þau stóðu sig öll frábærlega.

Auk upplestrar buðu skólarnir upp á fjölbreytt skemmtiatriði. Hljómsveitin Fönk-sveinar frá Valhúsaskóla lék nokkur lög við upphaf hátíðarinnar, en kórsöngur frá Hofsstaðaskóla, píanóleikur frá Sjálandsskóla og dansatriði frá Flataskóla voru á milli þess sem lesið var.
>> Hér er myndasýning frá keppninni.

5. bekkingar í nýjum svuntum í heimilsfræði
2. apríl 2008
Nemendur í 5.bekk fengu að vígja nýjar svuntur í heimilisfræðitíma núna fyrir stuttu.
Í tímanum var svo unnið með grænmeti og pasta og allir borðuðu að bestu lyst.
>> Hér eru nokkrar myndir úr heimilisfræðitímanum

 

Maxímús Músíkús
31. mars 2008
Föstudaginn 28. mars fóru nemendur í  1. bekk ásamt kennurum, aðstoðarskólastjóra og deildarstjóra yngra stigs, á tónleika hjá Sinfóníuhljómsveit Íslands.  Nemendur upplifðu tónlistarævintýrið Maxímús Músíkús í tali, tónum og myndum.   Ævintýrið er eftir Hallfríði Ólafsdóttur flautuleikara, en Þórarinn Már Baldursson víóluleikari myndskreytti.  Tónlistin í verkinu er eftir Ravel, Copland, Beethoven og Sigvalda Kaldalóns.  Ferðin er hluti af menningarverkefninu Laginu í listinni.   Dóttir Hallfríðar, Gunnhildur Ármannsdóttir, nemandi í  5. bekk í Flataskóla, var í hlutverki Maxímúsar.
>> Hér má sjá myndir úr ferðinni.

VIRÐING OG UMHYGGJA
Fræðslufundur fyrir foreldra og aðstandendur barna í Garðabæ
25. mars 2008
Árlegur fræðslufundur foreldrafélaganna í Garðabæ verður haldinn í safnaðarheimili Vídalínskirkju fimmtudaginn 27. mars n.k. kl. 20-21:30. Aðalfyrirlesarar verða Sigrún Aðalbjarnardóttir og Hrund Þórarinsdóttir. Sjá nánari auglýsingu um fundinn hér.

Páskaleyfi
14. mars 2008
Páskaleyfi hefst mánudaginn 17. mars 2008. Nemendur mæta aftur í skólann þriðjudaginn 25. mars samkvæmt stundaskrá.

Starfsfólk Flataskóla óskar ykkur gleðilegra páska.

Málsháttasamkeppni í Flataskóla
14. mars 2008 (Frá foreldrafélagi Flataskóla)
Nú fyrir páska efndi foreldrafélag Flataskóla til samkeppni um gerð nýrra málshátta meðal nemenda. Vel tókst til og margar skemmtilegar tillögur bárust. Sex nemendur hlutu að launum viðurkenningarskjal og páskaegg frá Góu.

Betri er bók en að vera einn
Oddný Þóra Konráðsdóttir, 1. bekk

Það er ekkert boð án gesta
Jökull Nökkvason, 3. bekk

Vel skal maður klæðast er
 frostrósir læðast
Róbert Snær Harðarson, 3.bekk

Oft eru augun svengri en maginn
Elva Björk Pálsdóttir, 4. bekk

Hvert sem þú ferð, þar ertu
Kara Hlynsdóttir, 5. bekk

Til lítils er týnd bók
Haraldur Óli Haraldsson, 6. bekk

Upplestrarkeppni 7. bekkja
13. mars 2008
Upplestrarkeppni 7. bekkja var haldin á hátíðarsal skólans miðvikudaginn 12. mars. Tíu nemendur tóku þátt sem áður höfðu verið valdir í forkeppni í bekkjunum. Í dómnefnd sátu að þessu sinni Sigurveig Sæmundsdóttir skólastjóri, Guðríður Thorarensen sérkennari við skólann og Svanhildur Kr. Sverrisdóttir kennslufræðingur sem var jafnframt formaður dómnefndar. Nemendur stóðu sig með prýði og átti dómnefndin erfitt verkefni fyrir höndum við að velja þrjá keppendur og einn til vara til þess að taka þátt í Stóru upplestrarkeppninni þann 2. apríl. Fyrir valinu að þessu sinni urðu Guðrún Ásta Lúðvíksdóttir 7.EÁ, Kristín Edda Kristjánsdóttir 7.EÁ og Halldór Kári Sigurðarson 7.SG. Sindri Engilbertsson var síðan valinn sem varamaður ef einn af lesurunum í þremur efstu sætunum skyldi forfallast fyrir lokakeppnina.
>> Hér er hægt að sjá nokkar myndir frá keppninni.

Innritun í 1. bekk í Flataskóla fyrir skólaárið 2008-2009

Til foreldra 6 ára barna og þeirra barna í 2.-6. bekk sem óska eftir að flytjast á milli skóla og/eða sækja um dvöl á tómstundaheimili skólaárið 2008-2009. Umsóknareyðublað um tómstundaheimili er að finna hér.
Innritun 6 ára barna (fædd 2002) í Flataskóla fer fram dagana 10. - 12. mars kl. 9:00-15:00. Hægt er að nálgast innritunareyðublað hér.
Flataskóli - sími: 565 8560

Kynningarfundur með foreldrum barna í 1. bekk veturinn 2008-2009
Kynningarfundur Flataskóla með foreldrum barna sem eiga að hefja nám í 1. bekk (fædd 2002) verður í skólanum fimmtudaginn 15. maí kl. 18:00.

Skóladagatal 2008-2009
Hér getur þú náð í skóladagatal Flataskóla fyrir veturinn 2008 til 2009.

Flataskóli er við Vífilsstaðaveg. Skrifstofan er opin virka daga frá kl. 07:45 - 15:30. 
Sími 565-8560, fax 565-7499, netfang: flataskoli@flataskoli.is

Skólinn er opnaður kl: 7:30. Næðisstund byrjar kl: 8:15-8:30 og kennslan hefst 8:30. Umsjónarkennarar mæta í kennslustofuna kl: 8:15.

Skólastjóri er Sigurveig Sæmundsdóttir, viðtalstími á skólatíma eða eftir samkomulagi. 
Aðstoðarskólastjóri er Helga María Guðmundsdóttir, viðtalstími á skólatíma eða eftir samkomulagi.

Þú ert gestur númer síðan 10. maí 2001

 Síðast uppfært 09.05.2008

Póstur til umsjónarmanns